З асаблівай увагай да пажылых грамадзян — Кобрынскі МНС папярэджвае

Людзі сталага ўзросту найбольш безабаронныя перад наступствам агню і патрэбна клапаціцца аб іх бяспецы, паведамляе Кобрынскі МНС.

Фото из открытых источников, используется в качестве иллюстрации

У сілу ўзроставых змяненняў, людзі сталага ўзросту не здольныя на належным узроўні падтрымліваць пажарную бяспеку ў сваім жыллі. У домаўладаннях, дзе пражываюць пажылыя людзі, адбываюцца пажары: па неасцярожнасці, безуважлівасці і легкадумнасці пенсіянераў.

Прычыны пажараў:

• пажылыя людзі не так хутка, як моладзь, рэагуюць у выпадку неспадзяванай небяспекі;
• пенсіянеры могуць быць пад уздзеяннем лекаў, якія часта ўплываюць на здольнасць прымаць хуткія рашэнні;
• пажары ў дамах, дзе жывуць пажылыя людзі, у большасці выпадкаў адбываюцца ў выніку перакала печаў, з'яўлення ў цагляным муры расколін,
• пасля ўжывання для падпалкі гаручых і лёгкаўзгаральных вадкасцяў, выпадзення з топкі або зольніка падпаленых вуглёў на драўляную падлогу. Калі дом пажылога чалавека абаграваецца з дапамогай печы, ёй варта надаваць асаблівую ўвагу рэгулярна;
• калі пажылы сваяк паліць, навучыце яго рабіць гэта бяспечна.

Клопат пра бяспеку блізкіх пажылых людзей абавязаны ўзяць на сябе іх маладыя сваякі. Неабходна ўсталяваць у жылых пакоях аўтаномныя пажарныя апавяшчальнікі. І сачыць за тым, каб яны знаходзіліся ў спраўным стане — своечасова мяняць элементы сілкавання. Пенсіянер, які пражывае адзін, пры пажары можа не адразу заўважыць дым і страціць каштоўны час для эвакуацыі. Аўтаномны пажарны апавяшчальнік аператыўна «паведаміць» пажылому чалавеку аб небяспецы.

Навучыце пажылых сваякоў тэлефанаваць у экстранныя службы з мабільнага і стацыянарнага тэлефона. Нумар «101» або «112» дзядулі і бабулі павінны ведаць на памяць. Паклапаціцеся аб бяспечных умовах для пражывання пенсіянераў.