Паважаныя супрацоўнікі і ветэраны сродкаў масавай інфармацыі і сувязі! Сардэчна віншуем вас з прафесіянальнымі святамі - Днём друку, Днём работнікаў радыё, тэлебачання і сувязі!
Ваша прафесія - даводзіць людзям неабходную інфармацыю, знаходзіць навіны, трымаць у курсе падзей, даваць новыя веды, дарыць добры настрой.
Ад прафесіяналізму, аператыўнасці і сумленнасці шмат у чым залежыць аб'ектыўнасць інфармацыйнага поля Кобрыншчыны. Хуткасць і перадача інфармацыі набываюць усё большае значэнне для развіцця эканомікі і грамадства.
Перыядычныя выданні, радыё, тэлебачанне, мабільная сувязь, Інтэрнэт робяць наша жыццё камфортным, насычаным і разнастайным.
Няхай майстэрства і аб'ектыўнасць заўсёды будуць галоўнымі прынцыпамі вашай дзейнасці.
Жадаем новых ідэй і яркіх праектаў, творчасці, настойлівасці ў дасягненні пастаўленай мэты і ўпэўненасці на шляху заваявання новых прафесійных вяршыняў!