Волшебные цветы из золотой соломки от юной мастерицы Ирины Остапук

22.12.2015 в 15:34

Соломоплетением кобринчанка Ирина Остапук увлеклась пять лет назад. "Совершенно случайно", - улыбнулась девочка и рассказала, каким образом освоила это искусство. Искала себя во многих кружках, и вот, наконец, нашла занятие по душе. Училась она у Юлии Пивоваровой, известной Дивинской мастерицы по соломоплетению.

Ірына Астапук: Больш за ўсё мне падабаецца вырабляць кветкі.

Саломапляценнем кабрынчанка Ірына Астапук захапілася пяць гадоў назад. “Зусім выпадкова”, – усміхнулася дзяўчынка і расказала, якім чынам асвоіла гэтае мастацтва.

Вучылася яна ў Юліі Піваваравай, дзівінскай майстрыхі па саломапляценні, імя якой вядома не толькі ў нашым рэгіёне, але і ў рэспубліцы. Шукала сябе ў многіх гуртках, і вось, нарэшце, знайшла занятак па душы.

Ірына адзначыла, што заўсёды з нецярпеннем чакае канікул, каб паехаць да бабулі ў Дзівін і атрымаць чарговы майстар-клас ад Юліі Віктараўны.

- Пляценне саломкай мяне расслабляе, супакойвае, – падзялілася яна сваімі адчуваннямі ад працэсу. За пяць гадоў юная майстрыха вырабіла больш за 100 работ: маленькія і буйныя, па эскізах і ўласнай фантазіі.

- Больш за ўсё мне падабаецца вырабляць кветкі. Яны атрымліваюцца прыгожымі, падобнымі да сапраўдных, – заўважыла дзяўчынка і прадэманстравала адну са сваіх апошніх работ – лілею.

Вырабы юнай творцы маглі б упрыгожыць любую выставу па дэкаратыўна-прыкладным мастацтве на розных узроўнях, аднак у сілу спакойна-сарамлівага складу характару дзяўчынка абмяжоўваецца толькі школьнымі экспазіцыямі.

Ірыніна захапленне саломапляценнем бацькі падтрымліваюць. “Дачка ўсе канікулы занятая, знаходзіцца пад наглядам, шчаслівая і задаволеная”, – адзначыў бацька субяседніцы, Павел Астапук, які прысутнічаў пры нашай размове.

Да таго ж, саломапляценне аніяк не перашкаджае яе навучанню, якое ажыццяўляецца ў СШ №9: Ірына – круглая выдатніца.

Да зімовых канікул засталося не так шмат часу. У планах дзевяцікласніцы – ізноў паездка ў Дзівін, а значыць сустрэча з сябрамі, новыя ўражанні, і, канечне ж, цікавыя майстар-класы ад любімага педагога.

Людміла Дубіна vkobrine.by

Фота Дзмітрыя Бялова