24 лютага ў 16.00 у філіяле Брэсцкага абласнога краязнаўчага музея «мастацкі музей» адбудзецца прэзентацыя выставачнага праекта «Брэстчына этнаграфічная», паведамляе telegram-канал pervyiregion.
Праект уключае ў сябе тры выставы, якія на працягу 2023 года будуць знаёміць наведвальнікаў з самабытнай культурай розных рэгіёнаў Брэсцкай вобласці.
Адкрывае праект выстава «Пружанска-Камянецкі край». На выставе будуць прадстаўлены традыцыйныя касцюмы Ваўкавыска-Камянецкага строю, унікальныя двухасноўныя дываны, выцінанкі, ганчарныя вырабы, прадметы побыту і ўсё тое, што з'яўляецца візітнай карткай краю.
На выставе прадстаўлены прадметы з фондаў Брэсцкага абласнога краязнаўчага музея.
Выстава будзе працаваць да 20 сакавіка 2023 года.
Вiдэа: pervyiregion
Музыка: фальклорны калектыў «Радасць» (в. Відамля, Камянецкі раён)