Гости из немецкого города-побратима Ульцена посетили Кобрин

Символическая стела с названиями городов-побратимов Кобрина давно стала неотделимой частью улицы Суворова. Есть в этом списке и немецкий город Ульцэн, хорошие отношения с которым поддерживаются уже четверть века. Недавно представители Ульцэна записали в копилку дружбы еще одну теплую встречу.

Сімвалічная стэла з назвамі гарадоў-пабрацімаў Кобрына даўно стала неадрыўнай частка вуліцы Суворава, ці “нашага Арбата”, як яе называюць кабрынчане. Ёсць у гэтым спісе і нямецкі горад Ульцэн, добрыя адносіны з якім падтрымліваюцца ўжо чвэрць стагоддзя. Нядаўна прадстаўнікі Ульцэна запісалі ў скарбонку сяброўства яшчэ адну цёплую сустрэчу.

У гэты раз у Кобрын прыехалі прадстаўнікі ульцэнскага таварыства германа-беларускага сяброўства Інгрыд і Дзітэр Шынкель, а таксама Крыста і Фрыдхель Меркенс. Пасля прыёму ў старшыні райвыканкама Аляксандра Зазулі госці наведалі СШ № 2, аддзяленне дзённага знаходжання і суправаджальнага пражывання для інвалідаў Кобрынскага ТЦСАН, Кобрынскі раённы цэнтр дзіцячай творчасці. Кожны візіт праходзіў у сапраўднай сяброўскай атмасферы і суправаджаўся памятнымі падарункамі.

Не абышлася без іх і сустрэча, якая прайшла ў Кобрынскай дзіцячай школе мастацтваў, куды госці з Ульцэна прывезлі музычныя інструменты – электраарган, акардэон і гітару. У цырымоніі перадачы падарункаў прынялі ўдзел старшыня райвыканкама Аляксандр Зазуля і старшыня раённага Савета дэпутатаў Іван Даўжук. 

А ўжо праз некалькі хвілін атмасферу сустрэчы напоўнілі чароўныя гукі музыкі, для якой, як вядома, не існуюць ні межы, ні адлегласці. Можна быць упэўненымі: новыя інструменты знойдуць сваё месца ў арсенале кобрынскіх педагогаў і абавязкова ўнясуць свой уклад у творчае і эстэтычнае развіццё маленькіх музыкантаў.

Як неаднаразова адзначалі на працягу сустрэчы самі госці, Кобрыншчына нязменна аказвае на іх вельмі добрае ўражанне. У гэты раз крыніцай такіх станоўчых эмоцый сталі нашы дзеці і тая добразычлівая атмасфера, якая пануе ў школе.

У чарговы раз быў адзначаны і выдатны знешні выгляд нашага горада. Увогуле ж, як падкрэсліў на развітанне Дзітэр Шынкель, вельмі радасна, што паміж Кобрынам і Ульцэнам падтрымліваюцца такія адносіны, якія найлепшым чынам спалучаюць у сабе рысы добрага партнёрства і сапраўднага сяброўства.

Дзмітрый БЯЛОЎ vkobrine.by
НА ЗДЫМКУ: у час сустрэчы ў Кобрынскай дзіцячай школе мастацтваў.
Фота аўтара.