Жатва в ОАО "Городец-агро" обещает высокие результаты

Несмотря на капризы природы, в ОАО "Городец-агро" уборка зерновых проходит практически непрерывно. Как отметил первый заместитель директора хозяйства Николай Веренич, фронт работы на нынешнюю жатву у них объемный и представлен 4790 гектарами зерновых, а потому терять время они просто не имеют права.  

Жніво паволі набірае абароты. І няхай у працэс іншым разам уносіць свае карэктывы надвор’е, спыніць яго рух яно не ў сілах. Нягледзячы на капрызы прыроды, якая то радуе гарачым сонцам, то, наадварот, студзіць халодным ветрам і праліўным дажджом, у ААТ “Гарадзец-агра” ўборка практычна не спыняецца.

Як адзначыў першы намеснік дырэктара гаспадаркі Мікалай Вярэніч, фронт работы на сёлетняе жніво ў іх аб’ёмны і прадстаўлены 4790 гектарамі збожжавых, а таму марнаваць часу яны проста не маюць права. Асноўны акцэнт у гаспадарцы па традыцыі зрабілі на азімых культурах, значную частку з якіх складае жыта.

Дарэчы, менавіта яго жалі ў час нашага прыезду. З 1300 гектараў, якія падлягаюць да ўборкі, па стане на 19 ліпеня было скошана 388. З яравых культур тут высеяны ячмень, авёс, пшаніца, якія таксама пачалі ўбірацца.

Да жніва гарадзецкія аграрыі рыхтуюцца загадзя. Своечасова пачаць уборачную кампанію дазволілі як задавальняючы стан тэхнікі, а гэта 16 збожжаўборачных камбайнаў, так і настрой людзей. З года ў год шчыруе на жніве Сяргей Каташук.

Вопытны механізатар ужо заняў перадавую пазіцыю ў нарыхтоўцы кармоў і, як заўважыў, змяншаць абароты не збіраецца. Сёлета з ім у адным экіпажы брат Мікалай, які змяніў на пасту яго сына Анатоля, што зараз праходзіць тэрміновую службу ў арміі.

Добрыя прагнозы на статус “перадавіка” і ў камбайнера Аляксандра Заноўскага. На камбайне “КЗС 1218” на момант нашай размовы ён намалаціў 194 тоны збожжа. Штогод механізатар трапляе ў лік тысячнікаў, відавочна, што і сёлета традыцыя захаваецца.

З неменшым энтузіязмам працуюць гарадчане на дапрацоўцы збожжа, якое ажыццяўляецца ў кругласутачным рэжыме на пяці збожжасушыльных комплексах і адной мабільнай устаноўцы.

На варце якасці задзейнічаны 20 чалавек, кожны з якіх добра разумее высокі ўзровень адказнасці, у тым ліку за агульны збожжавы каравай рэспублікі.

Што датычыцца апошняга, то дзяржзаказ для гаспадаркі ўключае 1870 тон збожжа.

Людміла Дубіна. vkobrine.by
Фота аўтара.