Свята-конкурс беларускай паэзіі і песні ў вёсцы Залессе аб'яднаў дзяцей і дарослых

«Беларуская мова – мелодыя душы», пад такой назвай прайшло свята-конкурс беларускай паэзіі і песні, арганізаванае Цэнтрам культуры і вольнага часу вёскi Залессе Кобрынскага раёна і Залескай публічнай бібліятэкай. 

Свята праходзіла на чатырох пляцоўках: паэтычнай «Роднаму слову – гучаць вечна!», дзе ўдзельнікі спаборнічалі ў лепшым дэкламаванні вершаў беларускіх пісьменнікаў,  песеннай «Беларусь – мая песня!», дзе канкурсанты прадставілі  гледачам беларускія песні. 

Цікавасць у аднавяскоўцаў вызвалі  літаратурная экспазіцыя «Жывое ў вяках беларускае слова», а таксама этнаграфічны куток «Беларуская хатка».

Адкрылі свята госці: настаўнік беларускай мовы і літаратуры Залескай СШ – Алена Уладзіміраўна Валасюк - аўтар многіх беларускіх вершаў, Наталля Канстанцінаўна Бура – вялікі аматар беларускай байкі.

Мілагучна, прыгожа гучала беларускае слова з вуснаў дашкольнікаў, школьнікаў, пенсіянераў.

Усё роднае беларускае ўвасаблялася і ў адзенні, і ў выставах, і ў слове, і ў музыцы.

Гэта надавала святу незвычайную адметнасць і прыгажосць.

Выступленні канкурсантаў ацэньвалі самі гледачы і падліковая камісія-журы.

Усе ўдзельнікі былі адзначаны дыпломамі і памятнымі прызамі.

Словы ўдзячнасці спонсарам  мерапрыемства: ІП Вользе Пераход і ІП Людміле  Стракатай.

Свята-конкурс даказала, што наш скарб – беларуская родная мова не знікне на залескай зямлі.

Аляксандр Гладзько – загадчык Залескага ЦКВ,

Ірына Пакалюк – бібліятэкар Залескай  публічнай бібліятэкі

Служба информации kobrincity.by